താമരശ്ശേരി: കാരാടി - വിരിട്ട്യാക്കിൽ സംസ്ഥാന പാതയുടെ അരികിലുള്ള പ്രഭാകരൻ നമ്പ്യാരുടെ വീട്ടിലാണ് കവർച്ച നടന്നത്. വീട്ടിൽ ഉണ്ടായിരുന്ന 3 പവനോളം സ്വർണവും, 5000 രൂപയും നഷ്ടപ്പെട്ടു എന്നാണ് ലഭിക്കുന്ന പ്രാഥമിക വിവരം.

വീട്ടുടമ പ്രഭാകരൻ നമ്പ്യാരും, ഭാര്യയും കഴിഞ്ഞ നാലാം തിയ്യതി ബാംഗ്ലുരുവിലുള്ള ബന്ധുവീട്ടിലേക്ക് പോയതായിരുന്നു. ഇവർ നാട്ടിൽ തിരിച്ചെത്തിയാൽ മാത്രമേ കൂടുതൽ വിവരങ്ങൾ വ്യക്തമാവുകയുള്ളൂ.

വീടു വൃത്തിയാക്കുന്നതിനു വേണ്ടി ജോലിക്കാരി ഇന്നലെ വീട്ടിൽ എത്തിയപ്പോഴാണ് വീടിൻ്റെ പിൻഭാഗത്തെ വാതിൽ കുത്തിതുറന്ന നിലയിൽ കാണപ്പെട്ടത്.വീടിനകത്തെ സാധനങ്ങൾ എല്ലാം വലിച്ചു വാരിയിട്ട നിലയിലാണ്. താമരശ്ശേരി പോലീസിൽ വിവരമറിയിച്ചതിനെ തുടർന്ന് വീട്ടിൽ പോലീസ് കാവലുണ്ട്.