എറണാകുളം: ചെറിയ ഇടവേളയ്ക്ക് ശേഷം സ്വർണ വിലയിൽ വീണ്ടും കുതിപ്പ്. പവന് 1,680 രൂപ കൂടി. കേരളത്തിൽ 1,14,760 രൂപയാണ് പവന് ഇന്നത്തെ വില. 210 രൂപ കൂടി ഗ്രാമിന് 14,345 രൂപയായി.

ആഭരണം വാങ്ങണമെങ്കിൽ വിപണി വിലയ്ക്കൊപ്പം ചുരുങ്ങിയത് അഞ്ച് ശതമാനം പണിക്കൂലി, സ്വർണത്തിനും പണിക്കൂലിക്കും മൂന്ന് ശതമാനം വീതം ജിഎസ്ടി, ഹാൾമാർക്ക് ചാർജ് ഇനത്തിൽ 45 രൂപ, ഇതിന്മേലുള്ള ജിഎസ്ടിയും കൂടി നൽകണം. ഡിസൈൻ മാറുന്നതനുസരിച്ച് പണിക്കൂലിയിൽ വ്യത്യാസമുണ്ടാകാം.