കട്ടിപ്പാറ: താമരശ്ശേരി സബ് ജില്ലാ സ്കൂൾ കലോത്സവത്തിൽ മിന്നും പ്രകടനം നടത്തി നസ്രത്ത് എൽപി സ്കൂൾ. ഒക്ടോബർ 29,30 തിയതികളിലായ് വേളംകോട് വച്ച് നടന്ന കലാമേളയിൽ വിവിധ ഇനങ്ങളിലായി ഒന്ന്, രണ്ട് , മൂന്ന് സ്ഥാനങ്ങളും പങ്കെടുത്ത എല്ലാ ഇനങ്ങളിലും A ഗ്രേഡുകളും നേടി നസ്രത്തിന്റെ കുഞ്ഞുങ്ങൾ ചരിത്രവിജയം നേടി.എൽ പി സ്കൂൾ അറബിക് കലാമേളയിൽ ഓവറോൾ മൂന്നാം സ്ഥാനവും എൽ പി വിഭാഗം ഓവറോൾ നാലാം സ്ഥാനവും മൂത്തോറ്റിക്കൽ നസ്രത്ത് എൽ പി സ്കൂൾ കരസ്ഥമാക്കി. സ്കൂൾ മാനേജർ ഫാ. മിൾട്ടൻ മുളങ്ങാശ്ശേരി, പ്രധാനാധ്യാപിക ചിപ്പി രാജ്, പി ടി എ പ്രസിഡണ്ട് ശ്രീ ഷാജിം ഹാജി, എം പി ടി എ പ്രസിഡണ്ട് നീതു തുടങ്ങിയവർ കലാ പ്രതിഭകൾക്ക് ആശംസകൾ നേർന്നു.