രാമനാട്ടുകര : കളിക്കുന്നതിനിടെ അബദ്ധത്തിൽ സ്റ്റീൽപാത്രം തലയിൽ കുടുങ്ങിയ ഒന്നരവയസ്സുകാരിക്ക് രക്ഷകരായി മീഞ്ചന്ത അഗ്നിരക്ഷാസേന. ചേലേമ്പ്ര ഇടിമൂഴിക്കൽ സ്വദേശികളായ ഉസ്മാൻ-ആഷിഫ ദമ്പതിമാരുടെ മകൾ ഐസലിനെയാണ് രക്ഷപ്പെടുത്തിയത്. രാത്രി 8.30-യോടെയായിരുന്നു സംഭവം. ഉടൻതന്നെ അഗ്നിരക്ഷാനിലയത്തിലെത്തിച്ച ഐസലിനെ സേനാംഗങ്ങൾ ഒന്നരമണിക്കൂർ നേരത്തേ പരിശ്രമത്തിനുശേഷം സ്റ്റീൽപാത്രം മുറിച്ചെടുത്ത് രക്ഷപ്പെടുത്തുകയായിരുന്നു.

സ്റ്റേഷൻ ഓഫീസർ എം.കെ. പ്രമോദ് കുമാറിന്റെ നേതൃത്വത്തിൽ സീനിയർ ഫയർ ആൻഡ് റെസ്ക്യൂ ഓഫീസർമാരായ എസ്.ബി. സജിത്, പി.എം. ബിജേഷ്, പി. അനൂപ്, എസ്. അരുൺ, എൻ. സുബാഷ്, പി. ബിനീഷ്, സി.കെ. അശ്വനി, ബി. ലിൻസി തുടങ്ങിയവർ രക്ഷാപ്രവർത്തനത്തിൽ പങ്കാളികളായി.