ബാലുശ്ശേരി : വിസ്ഡം എഡ്യൂക്കേഷൻ ബോർഡിന് കീഴിലുള്ള മദ്റസ വിദ്യാർത്ഥികൾക്ക് വേണ്ടി അറപ്പീടികയിൽ സംഘടിപ്പിച്ച കോംപ്ലക്സ് തല സർഗവസന്തത്തിൽ 478 പോയിൻ്റ് നേടി പൂനൂർ ടൗൺ സലഫി ഓവർ ഓൾ ട്രോഫി കരസ്ഥമാക്കി. 388 പോയിൻ്റ് നേടിയ ബാലുശ്ശേരി മദ്റസത്തുൽ മുജാഹിദീൻ റണ്ണർ അപ് ട്രോഫി നേടി. 7 വിഭാഗങ്ങളിലായി 107 ഇനങ്ങളിലാണ് മൽസരങ്ങൾ നടന്നത്.

3 വേദികളിലായി നടന്ന മൽസരങ്ങളിൽ വാശിയേറിയ മൽസരങ്ങളാണ് നടന്നത്. വിസ്ഡം ജില്ലാ വൈസ് പ്രസിഡണ്ട് കെ. അബ്ദുൽ നാസർ മദനി സർഗസംഗമം ഉദ്ഘാടനം ചെയ്തു. സ്വാഗത സംഘം ചെയർമാൻ ഒ. റഫീഖ് മാസ്റ്റർ അധ്യക്ഷത വഹിച്ചു. വിസ്ഡം യൂത്ത് ജില്ലാ പ്രസിഡണ്ട് സാജിദ് ബിസ്മി,സി.പി സാജിദ്, പി.സി. അബ്ദുൽ ബാരി, അബദു സബൂർ, കബീർ ബാലുശ്ശേരി, പി. അമറുൽ ഫാറൂഖ്,കെ ആദിൽ അമീൻ സംസാരിച്ചു. സി.പി. അമീൻ,കെ. നിഹാൽ റഹ്മാൻ, സി.പി. അബ്ദുല്ല സബാഹ് , പി.എം സർജാസ്, സി.പി. മുഹമ്മദ് അസ്‌ലം, ഷഫ്നി എൻ.എം ആശംസകൾ നേർന്നു.
വിജയികൾക്കുള്ള ട്രോഫികളും സമ്മാനങ്ങളും വിസ്ഡം ജില്ലാ പ്രവർത്തക സമിതി അംഗം ടി.ടി. അബ്ദുസലാം, എം.കെ അബ്ദുൽ ജലീൽ, കെ.കെ. നാസർ എന്നിവർ വിതരണം ചെയ്തു.

ഫോട്ടോ: ബാലുശ്ശേരി കോംപ്ലക്സ് മദ്റസ സർഗവസന്തം അറപ്പീടികയിൽ കെ അബ്ദുൽ നാസർ മദനി ഉദ്ഘാടനം ചെയ്യുന്നു