മസ്കത്ത്: മലയാളി ​ഡോക്ടർ ഒമാനിൽ മുങ്ങിമരിച്ചു. മലപ്പുറം കോക്കൂർ സ്വദേശി വട്ടത്തൂർ വളപ്പിൽ വീട്ടിൽ ഡോ.നവാഫ് ഇബ്രാഹിം (34) ആണ് മരിച്ചത്.

നിസ്‌വ ആശുപത്രിയിലെ എമർജൻസി വിഭാഗത്തിൽ ​​​ജോലി ചെയ്തുവരികയായിരുന്നു. ഒമാനിലെ ഇബ്രിയിൽനിന്ന് 60 കി​ലോമീറ്റർ അകലെ വാദി ധാം എന്ന സ്ഥലത്ത് ബുധനാഴ്ച വൈകീട്ടായിരുന്നു അപകടം.

കുട്ടിയായ നഹാനൊപ്പം വാദിയിൽ ഇറങ്ങുന്നതിനിടെ കാൽ വഴുതി വീഴുകയായിരുന്നവെന്നാണ് അറിയാൻ കഴിയുന്നത്. കുട്ടി രക്ഷപ്പെട്ടു. ഭാര്യയുടെ കൺമുന്നിലായിരുന്നു അപകടം. പിതാവ്: ഇബ്രാഹീം. ഇബ്രി ഹോസ്സ്‌പിറ്റൽ മോർച്ചറിയിൽ സൂക്ഷിച്ചിരിക്കുന്ന മൃതദേഹം നടപടികൾ പൂർത്തിയാക്കി നാട്ടിലേക്ക് കൊണ്ടുപോകുമെന്ന് ബന്ധപ്പെട്ടവർ അറിയിച്ചു.