കോഴിക്കോട്:
കാർ നിർത്തി അശ്രദ്ധമായി ഡോർ തുറന്നതിനെ തുടർന്ന് ഡോറിൽ മറ്റൊരു കാർ ഇടിച്ച് അപകടം.

കോഴിക്കോട് സംസ്ഥാന പാതയിൽ നടുവണ്ണൂർ തെരുവത്ത് കടവ് കൊയക്കാട് റോഡ് ജംഗ്ഷനിൽ കഴിഞ്ഞ ദിവസം രാവിലെ 11 ഓടെയാണ് അപകടമുണ്ടായത്.

ഇടിയേറ്റ കാർ റോഡിൻ്റെ വശത്തേക്ക് ചരിയുകയും ഇടിച്ച കാർ സമീപത്തെ ട്രാഫിക് സർക്കിളിൻ്റെ മതിലിൽ ഇടിച്ച് മറിയുകയും ചെയ്തു.
റോഡരികിൽ നിർത്തിയിട്ട തന്റെ സ്‌കൂട്ടറിന് സമീപം

നിൽക്കുകയായിരുന്ന കൊയക്കാട് കേളോത്ത് മീത്തൽ സുബി (45) യ്ക്കാണ് പരിക്കേറ്റത്. ഇയാളെ സ്വകാര്യ ആശുപത്രിയിൽ പ്രവേശിപ്പിച്ചു. കാർ യാത്രക്കാർക്കും നിസ്സാര പരിക്കേറ്റിട്ടുണ്ട്. സ്കൂ‌ട്ടറിന്റെ മുൻവശം തകർന്ന നിലയിലാണ്. ഉള്ളേരി ഭാഗത്ത് നിന്നും വരികയായിരുന്നു ഇരു കാറുകളും. മുന്നിൽ പോയ കാർ റോഡരികിൽ നിർത്തി അശ്രദ്ധമായി ഡോർ തുറന്നതിനെ തുടർന്ന് പിന്നാലെയെത്തിയ കാർ അതിൽ ഇടിക്കുകയായിരുന്നു.