ഇടുക്കി: മൂലമറ്റത്ത് ഹൈബ്രിഡ് കഞ്ചാവുമായി സിനിമാ മേക്കപ്പ്മാൻ പിടിയിൽ. RG വയനാടൻ എന്നറിയപ്പെടുന്ന രഞ്ജിത്ത് ഗോപിനാഥനാണ് പിടിയിലായത്. 45 ഗ്രാം വീര്യമേറിയ ഹൈബ്രിഡ് കഞ്ചാവും കണ്ടെടുത്തു.
'ആവേശം','പൈങ്കിളി','സൂക്ഷ്മദർശിനി',' രോമാഞ്ചം' തുടങ്ങിയ സിനിമകളിൽ ജോലി ചെയ്തിട്ടുണ്ട്.
ഇടുക്കി മൂലമറ്റത്ത് എക്സൈസ് സംഘം നടത്തിയ വാഹന പരിശോധനയിലാണ് ഇയാൾ പിടിയിലായത്. വാഗമണ്ണിൽ പുതിയ സിനിമയുടെ സെറ്റിലേക്ക് പോകുന്നതിനിടെയാണ് ഇയാൾ പിടിയിലാകുന്നത്. രഹസ്യവിവരം ലഭിച്ചതിനെത്തുടർന്നാണ് യൂബർ ടാക്സിയിലെത്തിയ രഞ്ജിത്ത് ഗോപിനാഥനെ പിടികൂടുന്നത്. ഇയാളെ എക്സൈസ് ചോദ്യം ചെയ്‌തു വരികയാണ്.