.

കുന്നമംഗലം :സ്കൂട്ടർ നിയന്ത്രണം വിട്ട് വൈദ്യുതി പോസ്റ്റിൽ ഇടിച്ചുണ്ടായ അപകടത്തിൽ രണ്ട് പേർക്ക് പരിക്കേറ്റു. കോഴിക്കോട് പൂവാട്ടുപറമ്പ് സ്വദേശികളായ വടക്കേ അരിപ്പാപ്പുറം സിയാൻ, മർവാൻ എന്നിവർക്കാണ് പരിക്കേറ്റത്.

കുന്നമംഗലം ചെറുകുകളത്തൂർ പാറമ്മലിലാണ് കഴിഞ്ഞ ദിവസം രാവിലെയോടെയാണ് അപകടമുണ്ടായത്. സ്കൂട്ടറിൽ യാത്രചെയ്യുകയായിരുന്നു സിയാനും മർവാനും ഒരു ബസ്സിനെ മറികടക്കാനുള്ള ശ്രമത്തിനിടെ സ്കൂട്ടറിന്റെ നിയന്ത്രണം വിട്ട് റോഡരികിലെ പോസ്റ്റിൽ ഇടിക്കുകയായിരുന്നു.

ഇടിയുടെ ആഘാതത്തിൽ പോസ്റ്റ് മുറിഞ്ഞ് റോഡിന് കുറുകെ വീണു. സ്കൂട്ടർ പൂർണമായും തകർന്ന നിലയിലാണ്. പരിക്കേറ്റ ഇരുവരെയും ഉടൻ തന്നെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.