തിരുവനന്തപുരം: അരുവിക്കരയിൽ ഷാൾ കഴുത്തിൽ കുരുങ്ങി ആറ് വയസുകാരൻ മരിച്ചു. അരുവിക്കര മലമുകളിൽ അദ്വൈത് (6) ആണ് മരിച്ചത്. അംബു - ശ്രീജ ദമ്പതികളുടെ മകനാണ്.അരുവിക്കര സാമൂഹിക ആരോഗ്യ കേന്ദ്രത്തിൽ എത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം മെഡിക്കൽ കോളേജിൽ സൂക്ഷിച്ചിരിക്കുകയാണ്.

വീട്ടിലെ റൂമിലെ ജനലിൽ ഷാൾകൊണ്ട് കളിച്ചുകൊണ്ടിരുന്നപ്പോൾ അബദ്ധത്തിൽ കഴുത്തിൽ കുരുങ്ങുകയായിരുന്നു എന്നാണ് വിവരം. സംഭവം നടക്കുമ്പോൾ വീട്ടിൽ അപ്പൂപ്പനും അമ്മൂമ്മയും മാത്രമേ ഉണ്ടായിരുന്നുള്ളു. സംഭവത്തിൽ അരുവിക്കര പോലീസ് കേസെടുത്തു.