വടകര:വടകര തോടന്നൂരിൽ യുവാവിനെ ഒരു സംഘം ആളുകൾ വീട്ടിൽ കയറി മർദ്ദിച്ചതായി പരാതി . തോടന്നൂർ എരഞ്ഞിമുക്ക് സ്വദേശി പുതിയോട്ടിൽ സജേഷിനാണ് മർദ്ദനമേറ്റത് .ഉച്ചയ്ക്ക് ഒന്നരയോടെയാണ് സംഭവം . പരിക്കേറ്റ സജേഷ് വടകര ജില്ലാ ആശുപത്രിയിൽ ചികിത്സതേടി . ആക്രമണത്തിൽ വീടിന്റെ ജനൽ ഗ്ലാസ്സുകൾ ഉൾപ്പെടെ തകർന്നിട്ടുണ്ട് . 20 ഓളം വരുന്ന സംഘം വീട്ടിൽ കയറി മർദ്ദിച്ചെന്നാണ് പരാതി .

തടയാൻ ശ്രമിച്ച അമ്മയ്ക്കും സുഹൃത്തിനും മർദ്ദനമേറ്റു. പൈപ്പ് ഉൾപ്പെടെയുള്ള ആയുധങ്ങളുമായി എത്തിയ സംഘമാണ് ആക്രമണം നടത്തിയത് . സമീപത്തെ ക്ഷേത്രത്തിലെ ഉത്സവത്തിന്റെ ഭാഗമായി ചെറിയ രീതിയിലുള്ള വാക്കുതർക്കം ഉണ്ടായിരുന്നു . ഇതിന്റെ തുടർച്ചയായാണ് ആക്രമം എന്നാ കരുതുന്നത്