ഉള്ളിയേരി:ഉള്ളിയേരിയിൽ മഞ്ഞപിത്തം ബാധിച്ച് ചികിത്സയിലായിരുന്ന യുവാവ് മരിച്ചു. ഉള്ളിയേരി കൂമുള്ളി ചിറക്കര ഹബീബ് (33) ആണ് മരിച്ചത്. കോഴിക്കോട് മെഡിക്കൽ കോളേജ് ആശുപത്രിയിൽ ചികിത്സയിലിരിക്കെ ഇന്നലെ വൈകീട്ടോടെയാണ് മരണം സംഭവിച്ചത്.
യൂത്ത് ലീഗ് അത്തോളി പഞ്ചായത്ത് ഭാരവാഹിയാണ്. വിദ്യാഭ്യാസ സ്ഥാപനമായ റീ-ഓർഗിൻ്റെ സിഇഒ ആയിരുന്നു. പിതാവ്: ഹംസ. മാതാവ്: പരേതയായ ഖദീജ, ഭാര്യ: ഹജാന, മക്കൾ: ഖദീജ, വൈറ. സഹോദരൻ: തഫ്സീർ.