ഇടുക്കി:ഇടുക്കി ഉപ്പുതറയിൽ അപകടത്തിൽപ്പെട്ട കാറിൽനിന്ന് ഭാര്യയെ ഉപേക്ഷിച്ച് ഭർത്താവ് കടന്നുകളഞ്ഞ, സംഭവത്തിൽ പോലീസ് അന്വേഷണം തുടങ്ങി. അപകടം മനഃപൂർവ്വം ഉണ്ടാക്കിയതാണോ എന്ന സംശയത്തിലാണ് അന്വേഷണം ആരംഭിച്ചത്.ആലടി സ്വദേശി സുരേഷാണ് ഭാര്യയെ ഉപേക്ഷിച്ച് കടന്നുകളഞ്ഞത്. ശനിയാഴ്‌ച രാത്രിയിലാണ് അപകടമുണ്ടായത്. സുരേഷും ഭാര്യയും കാറിൽ സഞ്ചരിക്കവെ താഴ്യിലേക്ക് മറിയുകയായിരുന്നു. അപകടത്തിൽ പരിക്കേറ്റ ഭാര്യ ഉപേക്ഷിച്ച് സുരേഷ് പോയെന്നാണ് പോലീസ് പറയുന്നത്.

രാവിലെയാണ് കാറിൽ സ്ത്രീ കുടുങ്ങി കിടക്കുന്ന കാര്യം മറ്റുള്ളവർ അറിയുന്നത്. ഇവരെ പ്രാഥമിക ചികിത്സയ്ക്ക് ശേഷം കോട്ടയം മെഡിക്കൽ കോളേജിലേക്ക് മാറ്റി. സുരേഷും അപകടത്തിൽപ്പെട്ട സ്ത്രീയും തമ്മിൽ പ്രശ്നങ്ങളുണ്ടായിരുന്നതായി പോലീസിന് വിവരം ലഭിച്ചിട്ടുണ്ട്. സുരേഷിനെ പോലീസ് കസ്റ്റഡിയിലെടുത്തിട്ടുണ്ട്.

ഭാര്യ സ്റ്റിയറിങ്ങിൽ പിടിച്ചു വലിച്ചതാണ് അപകടത്തിന് കാരണമെന്നാണ് ഇയാൾ പോലീസിനോട് പറഞ്ഞിരിക്കുന്നത്. എന്നാൽ മദ്യ ലഹരിയിലുള്ള ഇയാളുടെ മൊഴി പോലീസ് വിശ്വാസത്തിലെടുത്തിട്ടില്ല. അപകടത്തിൽപ്പെട്ട സ്ത്രീയുടെ മൊഴി രേഖപ്പെടുത്താൻ പോലീസിനായിട്ടില്ല. അപകടം നില തരണം ചെയ്‌താലെ ഇവരിൽനിന്ന് വിവരങ്ങൾ തേടാനാകൂ