പുതുപ്പാടി:ശക്തമായ കാലവർഷം ആരംഭിച്ച സാഹചര്യത്തിൽ പുതുപ്പാടി ഗ്രാമപഞ്ചായത്ത് ആടിയന്തിര റാപ്പിഡ് റെസ്പോണ്ട് ടീം മീറ്റിംഗ് ചേർന്നു. ഗ്രാമപഞ്ചായത്ത് പ്രസിഡണ്ട് ശ്രീമതി നജുമുനീസ ഷെരീഫ് അധ്യക്ഷതവഹിച്ചു. .
അടിയന്തര സാഹചര്യത്തിൽ ഗ്രാമപഞ്ചായത്തിലെ റാപ്പിഡ് റെസ്പോൺ ടീം സജ്ജമാക്കാനും,അപകടകരമായ മരങ്ങൾ മുറിച്ചു മാറ്റുന്നതിന് നിർദ്ദേശം നൽകുവാനും,പഞ്ചായത്തിലെ അപകട മേഖലകൾ പ്രത്യേകം ശ്രദ്ധിച്ച് പ്രവർത്തനം ആരംഭിക്കുവാനും,പകർച്ചവ്യാധികൾ നേരിടുന്നതിന്റെ ഭാഗമായി ഹോട്ടലുകൾ കൂൾബാറുകൾ, അറവുശാലകൾ, മീൻ കടകൾ എന്നിവ ഹെൽത്ത് ഡിപ്പാർട്ട്മെന്റിന്റെ നേതൃത്വത്തിൽ നിരീക്ഷണം നടത്തുവാനും യോഗത്തിൽ തീരുമാനിച്ചു.
റബർ തോട്ടങ്ങൾ, കൊക്കോ തോട്ടങ്ങൾ എന്നിവയുടെ ഉടമകളോട് കൊതുക് പകരുന്നതിന് കാരണമായ സാഹചര്യം ഒഴിവാക്കാൻ ഹെൽത്ത് ഡിപ്പാർട്ട്മെന്റ് വഴി നിർദേശം നൽകും.
വൈസ് പ്രസിഡണ്ട് ഷിജു ഐസക്ക്, ക്ഷേമ കാര്യ സ്റ്റാൻഡിങ് കമ്മിറ്റി ചെയർമാൻ ഷംസു കുനിയിൽ, വികസനകാര്യ സ്റ്റാൻഡിങ് കമ്മിറ്റി ചെയർപേഴ്സൺ മോളി ആന്റോ, ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ റംല അസീസ്, സെക്രട്ടറി അജിത്ത് പി എസ്, മെഡിക്കൽ ഓഫീസർ ഡോക്ടർ അബ്ദുൽ ജമാൽ, പുതുപ്പാടി വില്ലേജ് ഓഫീസർ മോഹനൻ,എച്ച് ഐ റഷീദ്, ബഷീർ, ജനപ്രതിനിധികളായ ബിജു തോമസ്, ആയിഷ ബീവി, ജാസിൽ എം കെ , ഡെന്നി വർഗീസ്, ഉഷാ വിനോദ്, രാധ ടീച്ചർ, അജിത മനോജ്, പി കെ മജീദ്, കമറുദ്ദീൻ അടിവാരം, എ പി ബഷീർ, ഹുസൈൻ കണ്ടപ്പൻ കുണ്ട്, ജാസിർ മണൽ വയൽ എന്നിവർ സംസാരിച്ചു