തിരുവമ്പാടി : ഓളിക്കൽ മങ്ങാട്ട് സിജോയുടെ വീടിനോട് ചേർന്ന് കാട്ടാന.
പുരയിടത്തിനോട് ചേർന്നുനിൽക്കുന്ന കൃഷി ഇടത്തിൽ തെങ്ങ്, കമുങ്ങ്, ജാതി, കൊക്കൊ, വാഴ, കപ്പ മുതലായ സർവ്വ കൃഷികളും വ്യാപകമായി നശിപ്പിച്ചു. തുടർച്ചയായി കാട്ടാന ഇറങ്ങുന്ന പ്രദേശത്ത് തിരുവമ്പാടി മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ
കാട്ടന കൃഷി നാശം വിതച്ച് ദുരിതമനുഭവിക്കുന്ന കർഷകരെ നേതാക്കൾ സന്ദർശിച്ചു.

വന്യമൃഗങ്ങൾ ജനവാസ മേഖലയിലേക്ക് കടന്നു കയറുന്നത് തടയുന്നതിന് വനംവകുപ്പ് അടിയന്തരമായി ശാശ്വത പരിഹാരം കാണണമെന്നും അതുപോലെതന്നെ കൃഷി നാശം സംഭവിച്ച കർഷകർക്ക് ഉടനടി മതിയായ നഷ്ടപരിഹാരം നൽകണമെന്നും വന്യമൃഗഭീക്ഷണി മൂലം വീടുകളിൽ നിന്നും ജനങ്ങൾക്ക് പുറത്തിറങ്ങാൻ സാധിക്കാത്ത സാഹചര്യമാണ് പ്രദേശത്തുള്ളതെന്നും ആയതുകൊണ്ട് ജനങ്ങൾക്ക് സംരക്ഷണം നൽകുന്നതിന് വനപാലകർ ഇവിടെ സ്ഥിരം കാവൽ ഏർപ്പെടുത്തണമെന്നും വിവരമറിയിച്ചതിനെ തുടർന്ന് സ്ഥലത്തെത്തിയ ഫോറസ്റ്റ് ഉദ്യാഗസ്ഥരോട് നേതാക്കൾ ആവശ്യപ്പെട്ടു. തിരുവമ്പാടി മണ്ഡലം കോൺഗ്രസ് കമ്മിറ്റി വൈസ് പ്രസിഡണ്ട്
ജിതിൻ പല്ലാട്ട്, കർഷക കോൺഗ്രസ് സംസ്ഥാന ജന:സെക്രട്ടറി ബോസ് ജേക്കബ്,ഗ്രാമപഞ്ചായത്ത് പ്രസിഡണ്ട് ബിന്ദു ജോൺസൺ, വികസന കാര്യ സ്റ്റാൻഡിങ് കമ്മിറ്റി ചെയർപേഴ്സൺ ലിസി മാളിയേക്കൽ, ഉറുമി വാർഡ് മെമ്പർ ലിസ്സി സണ്ണി, പുന്നക്കൽ വാർഡ് മെമ്പർ ഷൈനി ബെന്നി, മണ്ഡലം സെക്രട്ടറിമാരായ, കെ.ജെ ജോർജ്ജ്, ബെന്നി അറയ്ക്കൽ, ബൈജു വലിയമൈലാടിയിൽ , അനീഷ് എന്നിവർ നേതൃത്വം നല്കി.

ജിതിൻ പല്ലാട്ട്
(തിരുവമ്പാടി മണ്ഡലം കോൺഗ്രസ് കമ്മിറ്റി വൈസ് പ്രസിഡണ്ട്)
Mb : 984605081