താമരശ്ശേരി ചുരത്തിലെ വലിയ വാഹനങ്ങൾക്ക് ഭീഷണിയായിരുന്ന വള്ളികളും ശിഖരങ്ങളും വെട്ടി മാറ്റി ചുരം ഗ്രീൻ ബ്രിഗേഡ് പ്രവർത്തകർ. വാഹനങ്ങളുടെ ഗ്ലാസിന് അടിക്കത്തക്ക രീതിയിൽ വള്ളികൾ തൂങ്ങിക്കിടന്നത് ശ്രദ്ധയിൽപ്പെട്ടതിനെ തുടർന്നും വളവുകളിൽ കാഴ്ച മറക്കപ്പെടുന്ന ശിഖരങ്ങളും, വാഹനങ്ങളുടെ കേബിനും ഗ്ലാസിനും തട്ടുന്ന രൂപത്തിലുള്ള ശിഖരങ്ങളുമാണ് മുറിച്ചുമാറ്റിയത്. ചുരം ഗ്രീൻ ബ്രിഗേഡ് ജനറൽ സെക്രട്ടറി ഷൗക്കത്ത് എലിക്കാടിന്റെ നേതൃത്വത്തിൽ മജീദ് കണലാട്, മജീദ് പി കെ, നിസാം വിഎച്ച്, നിഷാദ് വി എച്ച്, മുനീർ,അർഷാദ് എരഞ്ഞോണ, ബിനു തുടങ്ങിയവരാണ് സേവന പ്രവർത്തനങ്ങളിൽ പങ്കാളികളായത്.