കണ്ണൂർ : പാനൂർ പൊയിലൂരിൽ നിന്നും കാണാതായ യുവാവിനെ തോട്ടിൽ മരിച്ച നിലയിൽ കണ്ടത്തി. പുല്ലായിത്തോട്‌താഴെ വീട്ടിൽ അഭിനവ് പവിത്രനെയാണ് മരിച്ച നിലയിൽ കണ്ടെത്തിയത്.

ഇക്കഴിഞ്ഞ 17ന് രാവിലെ 7 മണി മുതലാണ് അഭിനവിനെ കാണാതായത്. കൊളവല്ലൂർ പൊലീസ് നടത്തിയ അന്വേഷണത്തിൽ ഫോൺ ലൊക്കേഷൻ പൊയിലൂരിൽ തന്നെയാണെന്ന് തിരിച്ചറിഞ്ഞിരുന്നു. പൊലീസും, നാട്ടുകാരും വ്യാപക തിരച്ചിൽ നടത്തിവരവെയാണ് പൊയിലൂരിലെ തോട്ടിൽ ഇന്ന് രാവിലെ മൃതദേഹം കണ്ടെത്തുന്നത്