കട്ടിപ്പാറ: വെട്ടി ഒഴിഞ്ഞ തോട്ടം എസ് എസ് എം യൂപി സ്കൂളിൽ താമരശ്ശേരി ഉപജില്ലാ മേളകളിൽ ചരിത്ര വിജയം നേടിയ കുട്ടികളെ അനുമോദിച്ചു. ഗണിത ശാസ്ത്രമേള ഓവറോൾ കിരീടം കട്ടിപ്പാറ ഗ്രാമപഞ്ചായത്ത് പ്രസിഡൻ്റ് പ്രേംജി ജെയിംസ് കുട്ടികൾക്ക് കൈമാറി വിജയാരവം 2024 പരിപാടി ഉദ്ഘാടനം ചെയ്തു. കട്ടിപ്പാറ ഗ്രാമപഞ്ചായത്ത് വൈസ് പ്രസിഡൻ്റ് സാജിത ഇസ്മായിൽ അദ്ധ്യക്ഷനായ ചടങ്ങിൽ പ്രധാനധ്യാപകൻ നസീഫ് സീ.പി സ്വാഗതം പറഞ്ഞു. പി.ടി.എ പ്രസിഡൻ്റ് കെ.പി നാസർ, BBC ട്രൈനർ അഷ്റഫ് മാസ്റ്റർ , CRCC രാലിസരാജു , MPTA പ്രസിഡൻ്റ് ഷാഹിദ , സുബൈർ മാസ്റ്റർ , ഖലീലുറഹ്മാൻ ഒ.വി , സുനീറ പി.കെ എന്നിവർ ആശംസകൾ അർപ്പിച്ച് സംസാരിച്ചു. മേളകളിൽ വിജയികളായ എല്ലാ കുട്ടികൾക്കും സ്കൂളിൻ്റേയും പി.ടി.എ യുടേയും ആദരവ് കൈമാറി . ഓവറോൾ വിജയം നേടിത്തരാൻ കുട്ടികളെ പ്രാപ്തരാക്കിയ എല്ലാ അധ്യാപകരേയും പഞ്ചായത്ത് പ്രസിഡൻ്റ് അഭിനന്ദിച്ചു. മേളകൾക്ക് നേതൃത്വം നൽകിയ അധ്യാപകർക്ക് പി.ടി.എ കമ്മറ്റിയും സ്ക്കൂൾ പ്രധാനധ്യാപകനും ഏർപ്പെടുത്തിയ ആദരവ് പഞ്ചായത്ത് പ്രസിഡൻ്റ് കൈമാറി . ചടങ്ങിന് വിസിത ടീച്ചർ നേതൃത്വം നൽകി . കലാമേള കൺവീനർ റഹീന ടീച്ചർ നന്ദി പറഞ്ഞു