സം​സ്ഥാ​ന​ത്തെ റേ​ഷ​ൻ വ്യാ​പാ​രി​ക​ൾ 27 മു​ത​ൽ ക​ട​ക​ള​ട​ച്ച്​ അ​നി​ശ്ചി​ത​കാ​ല സ​മ​രം ആ​രം​ഭി​ക്കു​മെ​ന്ന്​ റേ​ഷ​ൻ വ്യാ​പാ​രി സം​യു​ക്ത സ​മ​ര​സ​മി​തി ജ​ന​റ​ൽ ക​ൺ​വീ​ന​ർ അ​ഡ്വ. ജോ​ണി നെ​ല്ലൂ​ർ വാ​ർ​ത്ത​സ​മ്മേ​ള​ന​ത്തി​ൽ അ​റി​യി​ച്ചു. വേ​ത​ന പാ​ക്കേ​ജ് പ​രി​ഷ്ക​രി​ക്കു​ക, ക​മീ​ഷ​നും ഇ​ൻ​സെ​ന്‍റി​വും അ​ത​ത് മാ​സം വി​ത​ര​ണം ചെ​യ്യു​ക, കേ​ന്ദ്ര അ​വ​ഗ​ണ​ന അ​വ​സാ​നി​പ്പി​ക്കു​ക, ഭ​ക്ഷ്യ​ധാ​ന്യ​ങ്ങ​ൾ​ക്കു പ​ക​രം ഡ​യ​റ​ക്‌​ട് പേ​മെ​ന്‍റ്​ സം​വി​ധാ​നം ന​ട​പ്പാ​ക്കി റേ​ഷ​ൻ വി​ത​ര​ണം ബി.​പി.​എ​ൽ മു​ൻ​ഗ​ണ​ന വി​ഭാ​ഗ​ത്തി​നു മാ​ത്ര​മാ​യി പ​രി​മി​ത​പ്പെ​ടു​ത്താ​നു​ള്ള നീ​ക്കം ഉ​പേ​ക്ഷി​ക്കു​ക തു​ട​ങ്ങി​യ ആ​വ​ശ്യ​ങ്ങ​ളു​ന്ന​യി​ച്ചാ​ണ്​ സ​മ​രം.

2018ൽ ​ന​ട​പ്പാ​ക്കി​യ വേ​ത​ന പാ​ക്കേ​ജ​നു​സ​രി​ച്ച് തു​ച്ഛ പ്ര​തി​ഫ​ല​മാ​ണ് വ്യാ​പാ​രി​ക​ൾ​ക്ക് ല​ഭി​ക്കു​ന്ന​ത്. പ​ല സം​ഘ​ട​ന​ക​ളു​ടെ​യും വി​യോ​ജ​ന​ക്കു​റി​പ്പ് അ​വ​ഗ​ണി​ച്ചാ​ണ് പാ​ക്കേ​ജ് ന​ട​പ്പാ​ക്കി​യ​ത്. ആ​റു​മാ​സം ക​ഴി​ഞ്ഞ് പു​നഃ​പ​രി​ശോ​ധി​ക്കാ​മെ​ന്ന് മു​ഖ്യ​മ​ന്ത്രി ഉ​റ​പ്പു ന​ൽ​കി​യി​രു​ന്നെ​ങ്കി​ലും ആ​റു​വ​ർ​ഷം ക​ഴി​ഞ്ഞി​ട്ടും ന​ട​പ​ടി​യു​ണ്ടാ​യി​ല്ല. വ​രു​മാ​നം വ​ർ​ധി​പ്പി​ക്കു​ന്ന​തി​ന്​ മ​റ്റു നി​ത്യോ​പ​യോ​ഗ സാ​ധ​ന​ങ്ങ​ൾ റേ​ഷ​ൻ ക​ട​ക​ളി​ലൂ​ടെ വി​ത​ര​ണം ചെ​യ്യാ​ൻ അ​നു​വ​ദി​ക്ക​ണ​മെ​ന്നും ജോ​ണി നെ​ല്ലൂ​ർ ആ​വ​ശ്യ​പ്പെ​ട്ടു. ടി. ​മു​ഹ​മ്മ​ദാ​ലി, കെ.​ബി. ബി​ജു, ജി. ​ശ​ശി​ധ​ര​ൻ, സു​രേ​ഷ് കാ​രേ​റ്റ് എ​ന്നി​വ​രും വാ​ർ​ത്ത​സ​മ്മേ​ള​ന​ത്തി​ൽ പ​​ങ്കെ​ടു​ത്തു.