കണ്ണൂർ : കണ്ണൂർ സെൻട്രല്‍ ജയിലില്‍ തടവുകാരില്‍ നിന്ന് മൊബൈല്‍ ഫോണുകളും സ്മാർട്ട് വാച്ചുകളും പിടിച്ചെടുത്തു.മൂന്ന് തടവുകാർക്കെതിരെ ടൗണ്‍ പൊലീസ് കേസെടുത്തു.

കൊലക്കേസ് പ്രതിയായ തിരുവനന്തപുരം സ്വദേശി രഞ്ജിത്, അഖില്‍, ഇബ്രാഹിം ബാദുഷ എന്നിവരുടെ കയ്യില്‍ നിന്നാണ് മൊബൈല്‍ ഫോണുകള്‍,സിം കാർഡ്,പവർ ബാങ്ക്,സ്മാർട്ട് വാച്ച്‌, ഇയർ പോഡ് എന്നിവ പിടിച്ചെടുത്തത്. പത്താം ബ്ലോക്കിലായിരുന്നു പരിശോധന. സ്മാർട്ട് വാച്ചിലും സിം ഉപയോഗിച്ചിരുന്നു. യുഎസ്ബി കേബിളുകളും പിടിച്ചെടുത്തിട്ടുണ്ട്. ജയില്‍ സൂപ്രണ്ടിന്റെ പരാതിയിലാണ് കേസെടുത്തത്.