വനത്തിനകത്ത് കേറി വൈദ്യുതി കമ്പിയില്‍ നിന്ന് വൈദ്യുതിയെടുത്ത് കെണി വെച്ച് കാട്ടു പന്നിയെ പിടികൂടിയ മൂന്നുപേർ അറസ്റ്റിൽ. തൃശ്ശൂർ മാന്നാമംഗലം ഫോറസ്റ്റ് സ്റ്റേഷൻ പരിധിയിലാണ് സംഭവം. ചെന്നായിപ്പാറ മേഖലയിലാണ് വൈദ്യുതി കമ്പിയിൽ നിന്നും വൈദ്യുതി പ്രവഹിപ്പിച്ച് കാട്ടുപന്നിയെ പിടികൂടിയത്. അജിത് കുമാർ, രാജു, ചന്ദ്രൻ എന്നിവരാണ് പിടിയിലായത് പ്രതികളുടെ വീട്ടിൽ നിന്നും പന്നിയിറച്ചിയും ആയുധങ്ങളും കണ്ടെടുത്തു.

തൃശ്ശൂർ രാമവർമ്മപുരം സ്കൂളിൽ മോഷണം നടത്തിയവർ പിടിയിൽ. 2 ലക്ഷം വില വരുന്ന വസ്തുക്കൾ ആണ് മോഷണം പോയത്. പൂർവ്വ വിദ്യാർത്ഥികളാണ് പിടിയിലായത്. തിരൂർ കിഴക്കേ അങ്ങാടി സ്വദേശികളായ അഖിൽ (18) ജീവൻ (19), ഫാഡ്രിക് (18), എന്നിവരാണ് പിടിയിലായത്. മോഷണത്തിലുൾപ്പെട്ട പ്രായപൂർത്തിയാകാത്ത രണ്ടുകുട്ടികളേയും കണ്ടെത്തിയിട്ടുണ്ട്. മൂന്ന് ലാപ്ടോപ്പുകൾ, മൂന്ന് പ്രൊജക്ടറുകൾ, രണ്ട് മൊബൈൽ എന്നിവയാണ് മോഷണം പോയത്