മലപ്പുറം; പെരിന്തൽമണ്ണ സ്വദേശികളായ രണ്ട് ഉംറ തീർത്ഥാടകർ സൗദി അറേബ്യയിൽ അന്തരിച്ചു. പെരിന്തൽമണ്ണ ഗവ. ഹയർ സെക്കൻഡറി സ്‌കൂളിന് സമീപം താമസിക്കുന്ന കുറ്റിക്കുന്നത്ത് സൈദ് മുഹമ്മദ് ഫാറൂഖ് (57), പെരിന്തൽമണ്ണ താഴെക്കോട് മേലെകളം സ്വദേശി പൊന്നേത്ത് കോയയുടെ ഭാര്യ നഫീസ (58) എന്നിവരാണ് മരിച്ചത്.

സൈദ് മുഹമ്മദ് ഫാറൂഖ് മക്കയിൽ വെച്ച് ഉംറയുടെ ഭാഗമായുള്ള ത്വവാഫിനിടെയാണ് കുഴഞ്ഞുവീണ് മരിച്ചത്. ഡിസംബർ 24-ന് ഭാര്യയോടൊപ്പം ദുബായിലുള്ള മക്കളുടെ അടുത്തേക്ക് പോയ അദ്ദേഹം അവിടെ നിന്നാണ് മക്കയിലെത്തിയത്.

പെരിന്തൽമണ്ണയിലെ സുന്നുപ്പ എന്ന് വിളിക്കപ്പെടുന്ന പരേതനായ സൈദ്‌ മൊയ്‌തീൻ്റെ മകനാണ്. മുൻപ് പാണ്ടിക്കാട്ട് ഹാർഡ്വെയർ സ്ഥാപനം നടത്തിയിരുന്നു. മയ്യിത്ത് നിയമനടപടികൾക്ക് ശേഷം മക്കയിൽ ഖബറടക്കും.