കണ്ണൂർ:കർണാടകയിൽ സ്വകാര്യ നഴ്സിംഗ് കോളേജിലെ വിദ്യാർത്ഥിനി ആത്മഹത്യ ചെയ്‌ത സംഭവത്തിൽ ഹരോഹള്ളി പോലീസ് അസ്വാഭാവിക മരണത്തിനു കേസെടുത്തു .മലയാളി നഴ്സിംഗ് വിദ്യാർത്ഥി അനാമികയാണ് മരിച്ചത്. ദയാനന്ദ് സാഗർ കോളേജ് വിദ്യാർത്ഥിനിയാണ് അനാമിക. ഹോസ്റ്റൽ മുറിയിൽ രാവിലെയാണ് മൃതദേഹം കണ്ടത്.
കണ്ണൂർ മുഴുപ്പിലങ്ങാട് സ്വദേശിനിയാണ് അനാമിക. ബുധനാഴ്ച്‌ച രാവിലെ സഹപാഠികളാണ് മൃതദേഹം കണ്ടത്. തുടർന്ന് ഹോസ്റ്റൽ അധികൃതരെയും പോലീസിനെയും വിവരമറിയിക്കുകയായിരുന്നു.കോളേജിൽ വിദ്യാർത്ഥിനി മനസിക പീഡനം അനുഭവിച്ചിരുന്നതായി സഹപാഠികൾ വെളിപ്പെടുത്തുന്നുണ്ട്. കണ്ണൂരിൽ നിന്ന് ബന്ധുക്കൾ എത്തിയ ശേഷം മൃതദേഹം പോസ്റ്റ്മോർട്ടം ചെയ്യും . പൊലീസ് അന്വേഷണം ആരംഭിച്ചിട്ടുണ്ട്.