മ​ല​പ്പു​റം: ട്രേ​ഡി​ങ് ആ​പ്പി​ന്റെ വ്യാ​ജ പ​തി​പ്പ് മൊ​ബൈ​ൽ ഫോ​ണി​ൽ ഇ​ൻ​സ്റ്റാ​ൾ ചെ​യ്യി​പ്പി​ച്ച് അ​തു​വ​ഴി 3.25 കോ​ടി ത​ട്ടി​യ യു​വാ​ക്ക​ൾ അ​റ​സ്റ്റി​ൽ. വ്യാ​ജ ആ​പ്പി​ൽ നി​ക്ഷേ​പി​ച്ച പ​ണ​ത്തി​ന്റെ ലാ​ഭ​വി​ഹി​തം വി​ർ​ച്വ​ലാ​യി കാ​ണി​ച്ച് ആ​ളു​ക​ളെ വി​ശ്വ​സി​പ്പി​ച്ചാ​ണ് 3.25 കോ​ടി ത​ട്ടി​യ​ത്. അ​രീ​ക്കോ​ട് പു​ത്ത​ലം സ്വ​ദേ​ശി മ​ണ്ണി​ങ്ങ​ച്ചാ​ലി അ​ഫ്‌​ലാ​ഹ് ഷാ​ദി​ൽ (25), അ​രീ​ക്കോ​ട് ചെ​മ്ര​ക്കാ​ട്ടൂ​ർ സ്വ​ദേ​ശി ക​മ്മു പൂ​ളം​കു​ണ്ടി​ൽ മു​ഹ​മ്മ​ദ് ഷാ​ഫി (34) എ​ന്നി​വ​രെ​യാ​ണ് മ​ല​പ്പു​റം സൈ​ബ​ർ ക്രൈം ​അ​റ​സ്റ്റ് ചെ​യ്ത​ത്.നി​​ക്ഷേ​പ​ത്തി​ന് ഉ​യ​ർ​ന്ന ലാ​ഭ​വി​ഹി​തം വാ​ഗ്ദാ​നം ന​ൽ​കി​യാ​ണ് ആ​ളു​ക​ളെ ത​ട്ടി​പ്പി​ലേ​ക്ക് ആ​ക​ർ​ഷി​ച്ച​ത്. പ​രാ​തി​ക്കാ​ര​ന്റെ ബാ​ങ്ക് അ​ക്കൗ​ണ്ടി​ൽ​നി​ന്ന് വ്യ​ത്യ​സ്ത സ​മ​യ​ങ്ങ​ളി​ലാ​യി പ്ര​തി​ക​ൾ ഉ​പ​യോ​ഗി​ക്കു​ന്ന ബാ​ങ്ക് അ​ക്കൗ​ണ്ടു​ക​ളി​ലേ​ക്ക് പ​ണം അ​യ​ക്കാ​ൻ ആ​വ​ശ്യ​പ്പെ​ട്ടു. അ​യ​ച്ച തു​ക​യു​ടെ ലാ​ഭ​വി​ഹി​തം കാ​ണി​ക്കു​ന്ന ആ​പ്ലി​ക്കേ​ഷ​ൻ പ​രാ​തി​ക്കാ​ര​ന്‍റെ ഫോ​ണി​ൽ ഇ​ൻ​സ്റ്റാ​ൾ ചെ​യ്യി​പ്പി​ക്കു​ക​യും ചെ​യ്തു. ആ​പ്പി​ല്‍ വ​ലി​യ ലാ​ഭ​വി​ഹി​തം കാ​ണി​ച്ചി​രു​ന്നു.

പി​ന്നീ​ട് പ​ണ​വും ലാ​ഭ​വി​ഹി​ത​വും തി​രി​കെ ചോ​ദി​ച്ച​പ്പോ​ൾ പ്ര​സ്തു​ത തു​ക പി​ൻ​വ​ലി​ക്കാ​ൻ കൂ​ടു​ത​ൽ തു​ക നി​കു​തി​യാ​യി അ​ട​ക്കാ​ൻ ആ​വ​ശ്യ​പ്പെ​ടു​ക​യാ​യി​രു​ന്നു. ഇ​തോ​ടെ​യാ​ണ് ത​ട്ടി​പ്പാ​ണെ​ന്ന് തി​രി​ച്ച​റി​ഞ്ഞ് പ​രാ​തി​ക്കാ​ര​ൻ മ​ല​പ്പു​റം സൈ​ബ​ർ ക്രൈം ​പൊ​ലീ​സ് സ്റ്റേ​ഷ​നി​ല്‍ പ​രാ​തി ന​ൽ​കി​യ​ത്.

അ​റ​സ്റ്റി​ലാ​യ അ​ഫ്‌​ലാ​ഹ് ഷാ​ദി​ലി​നെ​യും മു​ഹ​മ്മ​ദ് ഷാ​ഫി​യെ​യും മ​ഞ്ചേ​രി കോ​ട​തി​യി​ല്‍ ഹാ​ജ​രാ​ക്കി റി​മാ​ന്‍ഡ് ചെ​യ്തു. സൈ​ബ​ർ ക്രൈം ​പൊ​ലീ​സ് സ്റ്റേ​ഷ​നി​ൽ ഇ​ൻ​സ്പെ​ക്ട​ർ ഐ.​സി. ചി​ത്ത​ര​ഞ്ജ​ൻ, എ​സ്.​ഐ ല​ത്തീ​ഫ്, എ​സ്.​ഐ ന​ജ്മു​ദ്ദീ​ൻ, എ.​എ​സ്.​ഐ​മാ​രാ​യ റി​യാ​സ് ബാ​ബു, അ​നീ​ഷ് കു​മാ​ർ, സി.​പി.​ഒ റി​ജി​ൽ, റാ​ഷി​നു​ൽ ഹ​സ​ൻ, കൃ​ഷ്ണേ​ന്ദു എ​ന്നി​വ​രാ​ണ് അ​ന്വേ​ഷ​ണ സം​ഘ​ത്തി​ലു​ണ്ടാ​യി​രു​ന്ന​ത്