പേരാമ്പ്ര: ചാനിയം കടവ് പുഴയിൽ വീണയാളുടെ മൃതദേഹം കണ്ടെത്തി. ഇന്ന് രാവിലെ ഫയർഫോഴ്സും സ്കൂബ ടീമും നടത്തിയ തിരച്ചിലിനൊടുവിലാണ് മൃതദേഹം ലഭിച്ചത്.
ഇന്നലെ വൈകുന്നേരം മീൻ പിടിക്കുന്നതിനിടെയാണ് ഇയാൾ പുഴയിൽ വീണത്. വൈകിട്ടോടെ തിരച്ചിൽ നടത്തിയെങ്കിലും ആളെ കണ്ടെത്താൻ കഴിഞ്ഞിരുന്നില്ല. ഇന്ന് പുലർച്ചെ ആരംഭിച്ച തിരച്ചിലിനൊടുവിൽ ഇന്നലെ വീണ സ്ഥലത്തുനിന്ന് അൽപം അകലെയായാണ് മൃതദേഹം ലഭിച്ചത്.
ചാനിയം കടവ് സ്വദേശിയാണ് മരിച്ചതെന്നാണ് പ്രാഥമിക വിവരം. ഇയാളെ ഇന്നലെ മുതൽ കാണാനില്ലായിരുന്നു. മൃതദേഹം പോസ്റ്റ്മോർട്ടത്തിനായി മോർച്ചറിയിലേക്ക് മാറ്റി.