ചേമഞ്ചേരി: ബൈപ്പാസിൽ വൺവേ തെറ്റിച്ച് വന്ന കാർ സ്കൂട്ടറിലും കാറിലും ഇടിച്ച് അപകടം. സ്കൂട്ടർ യാത്രികനായ മുചുകുന്ന് സ്വദേശി ഷാനിദിനും കാർ യാത്രികർക്കും പരിക്കേറ്റു. ഇന്ന് ഉച്ചയ്ക്ക് 1.30 ഓടെയായിരുന്നു അപകടം.
ചേമഞ്ചേരി പെട്രോൾ പമ്പിന് മുൻപിൽ വച്ച് കോഴിക്കോട് ഭാഗത്ത് നിന്ന് വൺവേ തെറ്റിച്ച് വന്ന എർട്ടിക കാർ മറ്റൊരു കാറിനെ ഇടിച്ചു തെറിപ്പിക്കുകയും പിന്നീട് കോഴിക്കോട് ഭാഗത്തേക്ക് പോവുകയായിരുന്നു സ്കൂട്ടറിൽ ഇടിക്കുകയുമായിരുന്നു. ഇടിയുടെ ആഘാതത്തിൽ അപകടത്തിൽപ്പെട്ട ഇരു വാഹനങ്ങളും റോഡിലേക്ക് മറിഞ്ഞു വീഴുകയും ചെയ്തു. അപകടത്തിനിടയാക്കിയ എർട്ടിക കാറിന്റെ മുൻഭാഗം തകർന്നിട്ടുണ്ട്.
പരിക്കേറ്റ കാർ യാത്രികരെ കോഴിക്കോട് മെഡിക്കൽ കോളേജിലേക്ക് കൊണ്ടു പോയി. സ്കൂട്ടർ യാത്രികനായ ഷാനിദിനെ കൊയിലാണ്ടി താലൂക്ക് ആശുപത്രിയിൽ പ്രവേശിപ്പിച്ചു. പോലിസ് അപകട സ്ഥലത്തെത്തി.
