ഒമാൻ: ഒമാൻ തീരത്ത് ഇന്ത്യൻ പതാക വഹിച്ചിരുന്ന 'എംഎസ്‌വി അൽ ജുസുഫി' എന്ന കാർഗോ കപ്പലിന് നേരെ വ്യോമാക്രമണം. അപകടത്തിൽ ഒരു ഇന്ത്യൻ നാവികൻ കൊല്ലപ്പെട്ടു. ഗുജറാത്ത് സ്വദേശിയായ ഗൻഡാർ നഹിം അജിജ് ആണ് മരിച്ചത്.
കപ്പലിൽ 14 ഇന്ത്യൻ നാവികരാണ് ഉണ്ടായിരുന്നത്. ഇതിൽ ബാക്കിയുള്ള 13 പേരെ ഒമാൻ കോസ്റ്റ് ഗാർഡ് സുരക്ഷിതമായി രക്ഷപ്പെടുത്തി.
തിരിച്ചറിയാത്ത മേഖലയിൽ നിന്നാണ് ആക്രമണമുണ്ടായതെന്ന് കേന്ദ്രമന്ത്രി സർബാനന്ദ സോണോവാൾ സ്ഥിരീകരിച്ചു.
അമേരിക്ക-ഇറാൻ യുദ്ധത്തിനും ഹൂത്തി ആക്രമണങ്ങൾക്കുമിടെ സാധാരണയായി ഇന്ത്യൻ പതാകയുള്ള കപ്പലുകൾക്ക് നേരെയുള്ള ആക്രമണങ്ങൾ കുറവായിരുന്നു. ഫെബ്രുവരി മുതൽ അമേരിക്ക-ഇസ്രയേൽ യുദ്ധ അന്തരീക്ഷത്തിൽ 22 ഇന്ത്യക്കാർ കൊല്ലപ്പെട്ടതായും ഇതിൽ 14 പേർ നാവികരാണെന്നും കഴിഞ്ഞ ആഴ്ച കേന്ദ്രം പുറത്തുവിട്ട കണക്കുകൾ വ്യക്തമാക്കുന്നു.
