കോഴിക്കോട്: സൗദി അറേബ്യയിലെ റിയാദ് കിംഗ് ഖാലിദ് അന്താരാഷ്ട്ര വിമാനത്താവളത്തിന് നേരെയുണ്ടായ ഹൂതി ആക്രമണത്തെത്തുടർന്ന് കരിപ്പൂർ അന്താരാഷ്ട്ര വിമാനത്താവളത്തിൽ നിന്നുള്ള മൂന്ന് പ്രധാന സർവീസുകൾ റദ്ദാക്കി. സൗദി എയർലൈൻസ് SV 713, ഫ്ലൈനാസ് XY 328, എയർ ഇന്ത്യ എക്സ്പ്രസ് IX 321 എന്നിവയാണ് റദ്ദാക്കിയത്.
റിയാദിൽ ശനിയാഴ്ച ഉണ്ടായ ആക്രമണം ഈ ആഴ്ചത്തെ മൂന്നാമത്തെ ആക്രമണമാണ്. ആക്രമണത്തിൽ 12 പേർ കൊല്ലപ്പെടുകയും 309 പേർക്ക് പരിക്കേൽക്കുകയും ചെയ്തതായി സൗദി ജനറൽ അതോറിറ്റി ഓഫ് സിവിൽ ഏവിയേഷൻ സ്ഥിരീകരിച്ചു. മരിച്ചവരിൽ 4 സൗദി പൗരന്മാർ, 2 ബംഗ്ലാദേശികൾ, അമേരിക്ക, ഈജിപ്ത്, ജോർദാൻ, സിറിയ, പാലസ്തീൻ, സുഡാൻ എന്നീ രാജ്യങ്ങളിൽ നിന്നുള്ള ഓരോ പേർ വീതവും ഉൾപ്പെടുന്നു.
ആക്രമണത്തെ തുടർന്ന് വിമാനത്താവളത്തിന്റെ പ്രവർത്തനം താൽക്കാലികമായി നിർത്തിവെക്കുകയും എല്ലാ വിമാനങ്ങളും വഴിതിരിച്ചുവിടുകയും ചെയ്തു.
