നാദാപുരം: കാറിൽ കടത്തുകയായിരുന്ന നിരോധിത പുകയില ഉൽപ്പന്നങ്ങൾ നാദാപുരം പൊലീസ് പിടികൂടി. സംഭവത്തിൽ കക്കംവെള്ളി സ്വദേശി ചെമ്മനിയിൽ കെ.കെ അബ്ദുൾ സലാമിനെ പൊലീസ് അറസ്റ്റ് ചെയ്തു.
ചൊവ്വാഴ്ച പകൽ 12.40ന് പുളിക്കൂൽ പാലത്തിന് സമീപം റോഡിൽ നാദാപുരം അഡീഷണൽ എസ്.ഐ കെ. കുഞ്ഞിക്കണ്ണന്റെ നേതൃത്വത്തിൽ നടത്തിയ വാഹന പരിശോധനയിലാണ് പ്രതി പിടിയിലായത്.
ഹാൻസ് ഉൾപ്പെടെയുള്ള നിരോധിത പുകയിലയുടെ ശേഖരമാണ് പിടിച്ചെടുത്തത്. പ്രതി ഓടിച്ച ആൾട്ടോ കാറും പൊലീസ് കസ്റ്റഡിയിലെടുത്തു. ഇയാൾക്കെതിരെ കോട്പ ഉൾപ്പെടെയുള്ള വകുപ്പുകൾ ചുമത്തി കേസ് രജിസ്റ്റർ ചെയ്തു.
