പേരാമ്പ്ര: അച്ഛനും മകളും സഞ്ചരിച്ച സ്കൂട്ടറിന് പിന്നിൽ ഗുഡ്സ് ഓട്ടോയിടിച്ച് ഒരാൾ മരിച്ചു. ആവള സ്വദേശി എടക്കോത്ത് മീത്തൽ രാഘവനാണ് മരിച്ചത്. ഇന്നലെ രാത്രി പത്ത് മണിയോടെയായിരുന്നു അപകടം.
എരവട്ടൂർ കൈവേലി സ്റ്റോപ്പിന് സമീപത്ത് വച്ച് രാഘവനും മകൾ അനാമികയും സഞ്ചരിച്ച സ്കൂട്ടറിന് പിന്നിൽ ഗുഡ്സ് ഓട്ടോ ഇടിക്കുകയായിരുന്നു. അപകട ശേഷം ഗുഡ്സ് നിർത്താതെ പോയി. ശബ്ദം കേട്ട് ഓടിയെത്തിയ നാട്ടുകാരാണ് പരിക്കേറ്റവരെ സമീപത്തെ ആശുപത്രിയിലെത്തിച്ചത്. ഗുരതര പരിക്കേറ്റ രാഘവൻ അപകടസ്ഥലത്തു തന്നെ മരിച്ചു.
മൃതദേഹം കോഴിക്കോട് മെഡിക്കൽ കോളേജിലെ പോസ്റ്റ്മോർട്ടം നടപടികൾക്ക് ശേഷം ബന്ധുക്കൾക്ക് വിട്ടുനൽകും. അപകടത്തിനിടയാക്കിയ വാഹനം പേരാമ്പ്ര പോലിസ് കസ്റ്റഡിയിലെടുത്തു.
